Accessibility links

якшәмбе, 11 декабрь 2016, Казан вакыты 11:03

Oleg Morozov : Şäymiev belän Putin säyäsi köräştäşlär


İnde xäbär itkänebezçä, «Edinaya Rossia – Berdäm Rusiä» firqäseneñ General şura äğzäse, Tatarstannan saylanğan Duma Deputatı Oleg Morozov partiäneñ Tatarstandağı tarafdarları, jurnalistlar, säyäsätçelär belän oçraştı. Berdäm Rusia eçke qarşılıqlardan integä ikän. Alay ğına da tügel, firqäda tärtip bulmaw, qayber cirle citäkçelärneñ partiä aqçaların üzläşterü kebek küreneşlär dä bar. Morozov äytkänçä, martta ütäse qorıltayda finans mäsälälärenä häm kadrlar säyäsätenä açıqlıq kerergä tieş. «Azatlıq» radiosı xäbärçese: «Ni säbäple xakimiät firqäsenä nigez saluçılarnıñ berse bulğan Mintimer Şäymievkä häm Tatarstanğa şul uq xakimiätkä yaqın mäğlümat çaraları tuplar ata?», - digän soraw birde. Bu oçraqta süz latin grafikasına qarşı çığu, separatistlıqta, wahapçılarnı yaqlawda ğäyepläw kebek küreneşlär turında bara. Morozov, bu hiç tä kemder tarafınnan alıp barılğan, aldan planlaştırılğan maqsatçan çara tügel, dide. Ul Mäskäw Kremlendäğe ayırım çinovniklarnıñ eş kürsätergä teläp, kiräkmägän ölkälärgä tıqşınıp, kiräkmägän eş maytarıp yörü mömkinlegen tanıy. Ämma Rusiä citäkçese Vladimir Putin andıy tügel, di ul. Morozov, Rusiä citäkçese belän küp tapqır oçraşıp, anıñ Tatarstan häm Şäymiev turındağı fikere belän yaxşı tanış ikän. Duma deputatı süzlärençä, Putin Tatarstannı häm anıñ citäkçesen bik yuğarı bäyäli. «Berdäm Rusiä» firqäse bürosınıñ räistäşe Şäymiev Rusiä Prezidentı Putinnıñ säyäsi köräştäşe, digän belderü yasadı Oleg Morozov.

XS
SM
MD
LG