Accessibility links

дүшәмбе, 5 декабрь 2016, Казан вакыты 21:44

Mäskäwdä tatar milläte häm Qazan turında söyläşälär


Şul arada Qazanğa Mäskäwdän çaqıru xatı kilde. Tatar telendä yazılğan bu xatta, Tatarstannıñ Rusiä Federatsiäsendäge daimi wäkilçelege milli-mädäni oyışmalar şurasınıñ 2-nçe utırışın ütkärergä ciena, dielä. Ul comğa, 31 ğınwar könne bulaçaq . Kön tärtibendä 3 mäs’älä – Rusiä däwlät milli säyäsäte konsepsiäsenä täqdimnär äzerläw, tatar xalqın saqlap qalu ideologiäse turında fiker alışu, federal’ milli-mädäni möxtäriätlär digän federal qanunğa üzgäreşlär kertü. Bu cıyınğa Qazannan Bötendönya tatar kongressı Başqarma komitetı räise urınbasarı, ğalim Damir İsxaqov barırğa uylıy.

30-ı häm 31-e könne Mäskäwdä, şulay uq, Tatarstanğa qağılışlı başqa mäs’älälär qaralaçaq. Rusiäneñ däwlät tözeleşe komitetı häm mädäniät ministrlığı citäkçeläre, Qazan başlığı, Tatarstan xökümäte wäkile Qazannıñ 1000 yıllığın bäyräm itü programmasınıñ ütäleşe xaqında fiker alışaçaq. Bu bik qızıqlı söyläşü bulır dip kötelä. Çönki süz Qazannıñ üzägendä urnaşqan borınğı binalarnı häm tarixi häykällärne saqlaw-tözekländerü maqsatında federal büdjettan aqça alu turında bara.

XS
SM
MD
LG