İzrail’däge ğömümi saylawlarda premyer-ministr Ariel Şaronnıñ Likud partiäse parlamenttağı küpçelek urınnarnı yawlağannan soñ, fälestinlelär yaqın könçığışta tınıçlıq unraştıru häm İzrail’ tarafınnan basıp alınğan cirlärneñ kiläçägenä borçılu belderde.

Fälestin citäkçese Yasir Arafatnıñ ölkän yardämçese Näbil Äbu Rudeyna bolay dide: Izrail’däge saylawlar İzrail’ xalqınıñ ixtiarı. Bez İzrail’ xökümäten fälestin cirlärennän çigenergä häm kiçekmästän söyläşülär östälenä qaytırğa çaqırabız.. Bu tınıçlıq häm iminlek buldıru öçen berdänber yul.

Ämma Suğışçan Hamas törkeme yuğarı citäkçeläreneñ berse Abdel Aziz Är-Rantissi İzraildäge saylaw näticäläre bezneñ törkemneñ İzrail’gä qarşı toru telägen köçäytä genä dide. Hamas İzrail’ däwläteneñ dönyada bulırğa xaqı yuq dip yähüd däwläte belän söyläşülär ütkärergä teläwçe fälestinlelärgä qarşı çığa.

Şaron xäzer uñçıl, dini häm urtaçı partiälär belän koalitsion xökümät oyıştırır dip kötelä.