Accessibility links

якшәмбе, 4 декабрь 2016, Казан вакыты 07:07

Äfğänstannıñ Bamian ölkäsendä islam ekstremistların ezläwçe AQŞ xärbilärenä Äfğänstan armiäseneñ 500-läp soldatı da quşıldı.


Äfğän ğäskärläre häm berqädär Amerikan xärbiläre Qabuldan 150 çaqrımdağı Bamian üzänlegenä kilde. AQŞ armiäse Bamianda üz bazasın urnaştırdı. Biredä AQŞ maxsus köçläre dä urnaşqan. Äfğänstannıñ AQŞ häm Fransiä xärbi belgeçläre taradınnan öyrätelgän 2800 keşelek yaña armiäse bar. Bamiandağı AQŞ xärbi citäkçeläre biredäge ğäskärlärneñ eşçänlege turında mäğlümät birüdän baş tarta.

AQŞ köçläre Äfğänstan xökümätenä qarşı ğisyan kütärüçelär belän kiçä bulğan bäreleştä isän qaluçı doşman köçlären dä ezli. AQŞ wäkile, polkovnik Roger King ul bäreleşlär tuqtaldı dide. Äfğänstannıñ Könyaq-Könçığışında, Paqstan çigenä yaqıın küpsanlı taw quışları tiräsendä bulğan ul bäreleşlärdä 2 keşe äsir alındı, küp kenä qorallar yuq itelde.

XS
SM
MD
LG