Accessibility links

шимбә, 3 декабрь 2016, Казан вакыты 16:53

Yewropa Berlegendä Prezidentlıq itüçe Gretsiäneñ tışqı eşlär ministrı George Papandreu Ğiraq tiräsendäge xäzerge krizisnı anda demokratiä urnaştıru belän genä çişep bulaçağına ışanmawın belderde.


Papandreu Quşma Ştatlar telägänçä kisäk xökümät almaştıru Ğiraqta häm aña kürşe däwlätlärdä başqa problemalar çığarırğa mömkin dide. Papandreu Ğiraqta diktatura buluı häm anda demokratiä kiräklege turında Yewropa Berlege belän Quşma Ştatlar urtaq fikerdä dide. Ämma andağı citäkçene kisäk almaştıru Ğiraqnı tarqatırğa häm anda dini fundamentalizm kütärelergä mömkin, di Gretsiä tışqı eşlär ministrı. Papandreu Quşma Ştatlarnıñ Ğiraqtağı küpläp üterü qoralları turında küzläw mäğlümätläre birü wäğdäsen xuplap çıqtı.

XS
SM
MD
LG