Accessibility links

якшәмбе, 4 декабрь 2016, Казан вакыты 23:24

Yewropa Parlamentı Quşma Ştatlarnı Ğiraqqa qarşı beryaqlı xärbi çaralardan tıyılıp qalırğa çaqırğan rezolütsiä qabul itte.


287-gä 209 tawış belän Yewropa Parlamentı BMO-nı Ğiraq krizisına tınıç çişeleş tabarğa çaqırdı. Rezolütsiädä, şulay uq, Ğiraq prezidentı Säddam Xösäyen tıyılğan qorallar ezläwçe BMO tikşerüçeläre belän tulısınça, berşartsız häm qarşılıqsız xezmättäşlek itärgä tieş dielä. Bügen Yewropanıñ 8 däwläte – Britaniä, Çexiä, Dania, Macarstan, İtalia, Pol’şa, Portugalia häm İspania Quşma Ştatlarnıñ Ğiraq qoralsızlanırğa tieş digän qatğıy taläplärenä teläktäşlek belderüçe urtaq möräcäğät belän çıqtı. Ğiraqnı köç belän qoralsızlandıruğa daimi qarşı çığıp kilüçe Fransiä belän Germaniä bu xatnı imzalamadı.

Bügen Waşingtonda AQŞ prezidentı George Bush İtalia premyer-ministrı Sylvio Berlusconi häm Söğüd Ğärabstanı tışqı eşlär ministrı Söğüd äl-Faizal belän oçraşıp Quşma Ştatlarnıñ taläbe turında söyläşä.

XS
SM
MD
LG