Accessibility links

җомга, 9 декабрь 2016, Казан вакыты 01:11

İrandağı dissident din ähele Ayatulla Xösäin Ali Montazeri, bügen, 5 yıllıq yort sağı astınnan çığarılğannan soñ, ğädellek häm ireklek yaqlap çığışlar yasawnı däwam itäçägen belderde.


Montazeri İrandağı yuğarı dini xakimiätkä qarşı çıqqan öçen 1997-nçe yılda yort sağı astına alınğan ide. Bügen İrannıñ Qom şähärendä çığış yasap ul, irekkä çığarıluğa almaş bularaq täqdim itelgän ber genä şartnı da qabul itmäwe turında äytte. Montazeri “ireklek härkemneñ irekle söyli aluın añlata” dip İranğa tapşırular alıp baruçı başqa illärneñ radiolarında çığış yasarğa ciınuın belderde. Bügen ul Qom şähäre üzägendäge mäcetkä häm annan soñ ulı Möxämmätneñ qäberenä bardı. Soñraq öyenä qaytıp ğailä äğzaları, dusları, jurnalistlar belän oçraştı.

Zamanında Montazeri İrannıñ elekke yuğarı ruxi citäkçese Ayatulla Ruxalla Xomäynineñ warisı bulıp qalırğa mömkin ide. Ämma säyäsi totqınnarnı üterügä, keşe xoquqların bozularğa qarşı çıqqanı öçen Xömäyni anı çitläşterde.

XS
SM
MD
LG