Accessibility links

дүшәмбе, 5 декабрь 2016, Казан вакыты 11:30

Bıltırğı Nord-Ost totıqlar alu waqıyğasında totıq bulğannar häm andıylarnıñ tuğannarı, barlığı tağın 20 keşe, Mäskäw şähäre xökümätennän kompensatsiä taläp itüçelärneñ mäxkamä eşenä quşılırğa ciınuların belderde.


Advokat İgor Trunov alarnıñ mäxkamägä möräcäğäten düşämbe könne tapşıraçağın belderde. Trunov, şulay uq, möräcäğätläre rayon mäxkamäläre tarafınnan kire qağılğan 3 keşeneñ möräcäğäten Mäskäw Şähär mäxkamäsenä tapşıruı turında äytte. Xäzergä qädär, totıq bulğannar häm alarnıñ tuğannarı Mäskäw şähäre xökümätenä qarşı barlığı 60 möräcäğät tapşırdı. Alar Nord-Ost waqıyğalarında alğan ruxi häm fizik zian öçen barlığı 60 million dollar külämendä kompensatsiä taläp itä. Uzğan yılnıñ üktäbr ayında 41 keşelek çeçen törkeme 800-läp keşene totıq itep alğaç öç könnän soñ Russiä maxsus köçläre binanı şturmlap totıq aluçılarnıñ barısın da üterde. Şturm aldınnan xärbilär cibärgän ağulı gaznı sulaw säbäple kimendä 129 totıq ta hälak buldı. Trunov mäxkamägä möräcäğätlär Russiäneñ terrorğa qarşı qanunına nigezlänä, anda terror höcüme bulğan töbäk ruxi häm matdi zian kürüçelärgä tülärgä tieş dip yazılğan dide.

XS
SM
MD
LG