Accessibility links

якшәмбе, 4 декабрь 2016, Казан вакыты 09:08

AQŞ xärbiläre Äfğänstannıñ könyaq-könçığışındağı taw quışları tiräsendä qorallı ğisyançılar bulğan urınnı bombalağannan soñ isän qalğannarnı ezläwne däwam itä.


Xärbilär wäkile polkovnik Roger King ğäskärlär älegä 12 taw quışın ğına tikşerde, anda tağın 100-dän artıq quış bar dide. Soñğı berniçä köndä AQŞ xärbi oçqıçları Spin Boldaq şähäre yanındağı taw quışların bombaladı. Düşämbe könne biredä AQŞ xärbiläre belän bäreleşlärdän soñ kimendä 18 ğisyançınıñ mäyete tabıldı. Kiñ 80-läp keşelek bu törkemdägelärneñ qayberläre taw quışlarına qaçqan, qayberläre kürşe Paqstanğa kitkän bulırğa mömkin dide. Ul, şulay uq, AQŞ soldatları häm Äfğän küzläw agentları Qabuldağı Amerikan yäki koalitsiä qorılmasın şartlatırğa ciınuda şiklänelgän 3 keşene qulğa aldı dip belderde.

XS
SM
MD
LG