Accessibility links

пәнҗешәмбе, 8 декабрь 2016, Казан вакыты 05:11

Mäskäwdä Qazannıñ 1000-yıllığına äzerlek barışın tikşerälär


31 ğinwarda Mäskäwdä tarix muzeyında ber möhim çara uzdı. Rusiäneñ tözeleş komitetı häm mädäniät ministrlığı Tatarstannan kilgän wäkillär qatnaşında Qazannıñ 1000-yıllığına äzerlekneñ barışın tikşerde. Bu söyläşülärne respublika xökümäteneñ vitse-premyerı Zilä Wälieva häm Qazan şähär xakimiäte citäkçese Kamil İsxakov, Rusiä yağınnan Nikolay Koşman häm Mixail Şvıdkoy ütkärdelär.

Qazannıñ yubileyı, Rusiä prezidentı Vladimir Putin fikerençä, xalıqara ähämiätkä iä. Küräseñ, şunı istä totıp, tışqı eşlär ministrı da bu çaradan çittä qalırğa telämägänder. Qazan wäkilläre İğor İvanov citäklägän ministrlıqnıñ şuşı mäs’älägä bağışlanğan kollegiä utırışında da qatnaştılar. Tatarstannıñ tışqı eşlär departamentı citäkçese Timur Akulov bu utırışqa maxsus çaqırılğan ide.

Äytergä kiräk, waqıt tiz uza. 1000-yıllıqqa nibarı 2 yıl ğına qalıp bara. Ä eşlise eşlär – muyınnan. Tözü häm restavratsiä belgeçläre süzlärenä qarağanda, biredä iñ awırı – bürokratiäne ciñü. Proyekt käğäzlären raslaw, törle röxsätlär alu aylar buyı däwam itä. Yış qına başqarğan eşlär öçen aqça ala almaw da änä şul bürokratiägä bäyle ikän.

Rusiädä “kük kükrämi mujik çuqınmıy“ digän bik populyar mäqäl bar. Küräseñ, qayberäwlär änä şul kük kükräwne, yäşen yäşnägänne kötep toralar, axrısı.

XS
SM
MD
LG