Accessibility links

шимбә, 3 декабрь 2016, Казан вакыты 16:43

Ğiraqnıñ BMO qoral tikşerüçeläre belän elemtä agentlığı başlığı general Hossam Möxämmät Ämin AQŞ häm Britaniä oçqıçları Ğiraqnıñ oçışlar tıyılğan zonaların saqlağanda, Ğiraq BMO küzätü oçqıçlarınıñ iminlegen garantiäli almıy dip belderde.


Anıñ äytüençä, BMO Ğiraqtan bu oçqıçlarnıñ iminlegen garantiäläwne sorağan. Möxämmät Ämin bu mömkin tügel, çönki Ğiraqnıñ xärbi oçqıçlarğa qarşı artilleriäse kön sayın doşman AQŞ häm Britan oçqıçları belän qarşılıqta tora dide. Ul şulay uq Ğiraq üz ğalimnären BMO qoral tikşerüçeläre belän xosusıy söyläşülärgä häm şundıy söyläşülär öçen ildän çitkä kitärgä mäcbür itä almıy dide. BMO atom energetikası agentlığı başlığı Möxämmät äl-Baraday, ägär dä Bağdad küzätü oçışların häm üz ğalimnären belän xoqusıy söyläşülär ütkärüne röxsät itärgä äzer buluın kürsätsä, bez qoral tikşerüçelär citäkçese Hans Blix belän bergäläp Bağdadqa söyläşülärgä bara alır idek dip äytte. Kiçä AQŞ prezidentı George Bush Ğiraqnı tınıç yul belän qoralsızlandıru tırışlıqları tağın berniçä atnı ğına däwam itäçäk dip kisätte.

XS
SM
MD
LG