Accessibility links

җомга, 2 декабрь 2016, Казан вакыты 21:09

Yewropa komissiäse humanitar yardäm oyışmasınıñ Makedoniädäge eşçänlekne bu yazda tuqtataçağı iğlan itelde.


Yewropa Berlegeneñ Humanitar yardäm komissionerı Poul Nielson Makedoniädäge ğädättän tış wäzğiät bette häm oyışma andağı üz burıçın ütäde dide. Ämma Yewropa Komissiäse Makedoniägä ozın möddätle yardämne däwam itäçäk. Makedoniä Könbatış Balkandağı başqa däwlätlär belän bergä, Yewropa Berlegenä nazmät il bulırğa mömkin dip sanala.

Oyışma Makedoniädä başta 1993-nçe 96-nçı yıllarda aktiv eşçänlek alıp bardı. Ul çaqta berlek töbäktäge suğıştan kilgän ziannı ciñeläytü öçen 45 million eurolıq yardäm kürsätte. 1999-nçı yılda Kosovodan kitärgä mäcbür bulğan 300 meñläp qaçaqqa yardäm itü öçen oyışma yañadan Makedoniägä kilde. 2001-nçe yılda Makedoniädäge slavyan küpçelek belän alban azçılıq arasında nizağ çıqqaç oyışmanıñ biredäge eşçänlek möddäte ozaytıldı.

XS
SM
MD
LG