Prodi Albaniä citäkçelärenä, ägär dä Albaniä korrupsiägä qarşı çaralar kürsä häm reformalar ütkärsä, anıñ Yewropa Berlegenä quşılu mömkinlege bulaçaq dip äytte. Bügen Prodi Albaniä prezidentı Alfred Moisiu häm başqa citäkçelär belän oçraştı. Üktäbr ayında Yewropa Berlege illäreneñ tışqı eşlär ministrları Albaniä belän Totrıqlılaştıru häm Xezmättäşlek Kileşüe turında söyläşülär başlarğa rizalıq belderde. Albaniä Yewropanıñ iñ yarlı däwlätlärennän berse sanala häm tışqı finans yardämenä bik nıq bäyle bulıp qala birä.
