Accessibility links

шимбә, 3 декабрь 2016, Казан вакыты 03:36

Yewropa Şurası Parlament Cıyınında Russiä törkemen citäkläwçe Dmitri Rogozin Çeçnä mäs’äläsen tikşerüçe Parlament Cıyını-Russiä komissiäse räistäşe wazıyfasınnan çigenüen belderde.


Kiçä älege komissiäneñ Parlament Cıyını yağınnan räistäşe bulğan Frank Judd, ägär dä Çeçnädä yaña konstitutsiä qaralaçaq referendum xäzerge waqıtta planlaştırılğança ütäçäk bulsa, wazıyfasınnan kitü belän yanağan ide. Judd, Çeçnädä iminlek citmäwgä borçılu belderep, häm Çeçnädän çittäge meñnärçä qaçaqlarnıñ tawış birü xoquqı bozıla diep, 23-nçe martqa bilgelängän referendumnı kiçekterergä çaqıra. Bügen Rusiä prezidentı Vladimir Putin referendumnı mart ayında ütkärü niätennän çigenmäyäçägen belderde. Putin bu referendumnı ütkärü täqdime çeçennarnıñ üzlärennän kilde dide. Russiä Däwlät Dumasınıñ xalıqa mäs’älälär komitetı başlığı Rogozin Russiäneñ Çeçnä mäs’äläsendä Yewropa Şurası Parlament Cıyını belän xezmättäşlege däwam itäçäk, ämma monıñ öçen Parlament Cıyını urtaq komissiädäge wäkillären almaştırırğa tieş dip belderde.

XS
SM
MD
LG