Accessibility links

Кайнар хәбәр

Gruziäneñ maxsus mäs’älälär ministrı Malxaz Kakabadze, tizdän Jenevada ütäçäk xalıqara oçraşu Abxaziä mäs’äläsen körçektän çığarırğa yardäm itär dip ömetlänüen belderde.


Kiläse ayğa bilgelängän bu oçraşuda AQŞ, Russiä, Britaniä, Fransiä häm Germaniä wäkilläre dä qatnaşaçaq. Abxaziä Gruziä köçläre belän 2 yıl suğışqannan soñ 1993-nçe yılda de facto bäysezlekkä ireşte. Russiä separatist Abxaziäne ğäyre-räsmi räweştä yaqlap, aña yardäm itep kilä. Abxaziädä Russiäneñ xärbi bazası häm 1800-läp tınıçlıq saqçısı bar. Moñarçı Abxaziäneñ statusı mäs’äläsendä körçektän çığu turındağı söyläşülär häm xalıqara aradaşçılarnıñ tırışlıqları fayda kitermäde. Abxaziä mäs’äläse Mäskäw belän Tbilis arasındağı mönäsäbätlärne dä kierenkeläşterde. Gruziä yış qına Russiä tınıçlıq saqçıların separatistlarğa yaqalwda ğäyepläp kilä häm tınıçlıq saqçıları 300 meñläp görcine Abxaziädäge üz öylärenä qaytarırğa bulışmıy dip zarlana.
XS
SM
MD
LG