Accessibility links

якшәмбе, 11 декабрь 2016, Казан вакыты 05:13

Prezident Bush belän oçraşqannan soñ britan premyerı ilenä qayttı


London. Waşingtonda Quşma Ştatlar prezidentı George Bush belän söyläşülär ütkärgännän soñ britan premyer-ministrı Tony Blair bügen kire üz ilenä qayttı. Oçqıçtağı xäbärçelär belän aralaşqanda ul, Berläşkän Millätlärneñ İminlek Şurası, Ğiraq ixtiari räweştä qoralsızlanmağan oçraqta aña qarşı xärbi köç qullanuğa fatixa birgän yaña qarar qabul itäçäk digän ömet belderde. Blair bu uñaydan, İminlek Şurasında yaña qarar qabul itü mäs’äläsendä Britaniä belän Quşma Ştatlar arasında nindi dä bulsa qarşılıqlar çığuwın kire qaqtı, ul barı tik, ike citäkçe dä Bagdadnıñ eş kürsätü öçen waqıtı cığıp bara digän fikerdä toruwın äytte. Kiçä Blair belän bergä ütkärgän matbuğat oçraşuwında prezident Bush, ägär dä Berläşkän Millätlär ikençe qararnı da qabul itä ikän, bu xuplap qına qarşı alınaçaq, läkin Şuranıñ inde ğämäldäge 1441-nçe qararı da bezgä alğa baru öçen tieşle wäkalätne birä, Saddam şunı añlarğa tieş, ägär dä ul qoralsızlanmasa, bez başqalar belän bergä tınıçlıq xaqına Saddamnı üzebez qoralsızlandıraçaqbız dip belderde. Berläşkän Millätlärneñ Ğiraqtağı qoral küzätüçeläre ul arada üz eşlären däwam itep, şimbä könne tağın 10 şikle urınnı barıp tikşerde.

XS
SM
MD
LG