Damask. Ğäräp Ligasınıñ citäkçese Ämr Musa Süriä prezidentı Başar Asäd belän Quşma Ştatlarnıñ Ğiraqqa qarşı suğışın buldırmaw yulları turında fiker alıştı. Şul oçraşudan soñ Musa, yaqlar Ğäräp Ligasınıñ yaqın kiläçäktä şuşı ölkädä küräçäk çaraları xaqında tulısınça kileşte dip belderde, ämma şul çaralarnıñ nidän ğibarät buluwın açıqlap tormadı. Kiçä Damaskka kilep töşkännän soñ ul, barlığı 22 il kergän Ğäräp Ligası Quşma Ştatlarnıñ ixtimal höcümenä quşılmayaçaq digän ide. Süriä başqalasında ul tışqı eşlär ministrı Färüq äl-Şaara belän dä oçraştı, irtägä Ämr Musa näq şundıy uq söyläşülärne Livan citäkçeläre belän dä ütkäräçäk.
