Accessibility links

чәршәмбе, 7 декабрь 2016, Казан вакыты 00:50

Yaqın Könçığış häm Ğiraq tiräsendäge xällärne tikşerü öçen İzrail Waşingtonğa iminlek başlığın cibärä


Yerusalim. İzrail premyer-ministrı Ariel Şaron Yaqın Könçığıştağı häm Ğiraq tiräsendäge xällärne tikşerü öçen ilneñ İminlek Şurası räise Efraim Halevyne Waşingtonda cibärde. Ul anda Quşma Ştatlar prezidentınıñ däwlät iminlege kiñäşçese Condoleezza Rice häm Üzäk Küzläw İdaräse CİA mödire George Tenet belän oçraşaçaq dip xäbär itä İzrailneñ cämäğät radiosı. Şul uq xäbärendä radio, Halevy amerikannarğa İzrailneñ fälästin terrorçılarına qarşı qırıs çaralar kürüwen däwam itteräçägen citkeräçäk dielä. Gaza şähärendä ul arada fälästin citäkçelege, İzrail belän atışlarnı tuqtatu kileşüwenä ireşep, Yaqın Könçığıştağı dürtlek ximayäse astında fälästin-İzrail solıx söyläşülären däwam itärgä äzer toruwın xäbär itte. Yaqın Könçığıştağı dürtlekkä Berläşkän Millätlär, Quşma Ştatlar, Yewropa Berlege häm Rusiä kerä.

XS
SM
MD
LG