Accessibility links

пәнҗешәмбе, 8 декабрь 2016, Казан вакыты 14:58

Kaspiyskidäge şartlawnı oyıştıruda şiklängän tağın ber keşe totqarlandı


Maxaçqala. Dağstan militsiäse, bıltır Kaspiyski şähärendä Ciñü köne uñayınnan ütkärelgän bäyräm tantanasında şartlaw oyıştıruda şiklänelgän keşene qulğa aldı dip xäbär itelä. Eçke eşlär ministrlığı mäğlümatına qarağanda, şul keşe, Magomed Abasilov Xasayorttağı öyendä totqarlanğan. Anda ütkärelgän tentü näticäsendä şartlatqıçlar, elektron detonatorlar, cir minaları häm qul granataları tabılğan. Kaspiyskidäge şartlawğa bäyle buluda qulğa alınğannar arasında Abasilov inde bişençe keşe bulıp tora, xakimiat bu uñaydan tağın 8 keşene ezli. Bıltır mayda bulğan şuşı şartlaw näticäsendä 45 keşe ülep, 100-dän artığı törle cäräxätlär alğan ide, xakimiat, monı oyıştıruçılar çäçän suğışçılarına bäyle dip belderä.

XS
SM
MD
LG