Accessibility links

җомга, 9 декабрь 2016, Казан вакыты 08:52

Litva Rusiä belän çiklären nığıta


Vilnyus. Yewropa Berlegenä quşılunıñ ber şartın ütäw yözennän Litva bügennän alıp üzeneñ Rusiä belän çiklärendäge kontrolne bermä-ber arttırdı. Litvanıñ çik saqçıları 1-nçe fivraldän alıp çik aşa ütü öçen Rusiäneñ xärbi tanıqlıqların, elekke sovet pasportların häm üzläre genä säyäxät itkän 14 yäştän dä keçeräklärneñ tuu turındağı tanıqların qabul itüdän tuqtadı. Rusiäneñ Kaliningrad ölkäsendä yäşägän watandaşları, 1991-nçe yılda Sovetlar Berlege tarqalğannan soñ Litva aşa älegä qädär ğadi tanıqlıqlar kürsätep kenä dä säyäxät itä ala ide. Läkin Yewropa Berlegenä quşılır aldınnan Litva üze aşa ütü şartların qırıslattı häm xäzer Kaliningradta yäşäwçelär ilne ütär öçen maxsus qäğäz tutırırğa tieş bulaçaq. Rusiänıñ tışqı eşlär ministrlığı älege çaralarnı tänqitläp çıqtı. Litva Yewropa Berlegenä 2004-nçe yılda quşılırğa tieş.

XS
SM
MD
LG