Accessibility links

җомга, 9 декабрь 2016, Казан вакыты 05:11

Äfğanstanda amerikan ğäskärlärenä ut açıldı


Bağram, Äfğanstan. Biredäge amerikan xärbiläreneñ wäkile Roger King, Spin Boldaq wilayätendä şimbä könne Quşma Ştatlarnıñ ğäskärilärenä ut açıldı dip belderde, läkin alar yağınnan yuğaltular bulu xaqında xäbärlär yuq. Amerikan xärbiläre şul töbäktäge mäğärälärdä islam suğışçıların ezlägän bulğan, utnı alarğa qarşı bilgesez ber keşe açqan, häm amerikannar cawap utı qaytarğan. Ul arada Äfğanstan xökümäteneñ iminlek köçläre, kiçä Qandahar şähäre yanındağı ber küperne şartlatuğa bäyle buluda şiklänelgän 8 keşene qulğa aluwın xäbär itte. Bu xaqta Qandahardağı iminlek köçläre citäkçese general Äkräm Xaqrizwäl belderde, läkin ul totqarlanğannarnıñ kem buluwı turında berni dä äytmäde. Küperne şartlatu näticäsendä, anda ul çaqta ber avtobus uzıp baru säbäple, kimendä 8 keşe hälak bulğan ide. Monıñ öçen cawaplılıqnı älegä berkem dä üz östenä almadı. General Xaqrizwäl, xakimiat fikerençä şartlawnı mäğlüm Gölbetdin Ximätyarnıñ Hezbe-e-İslami törkeme oyıştırğan dip belderde.

XS
SM
MD
LG