Accessibility links

якшәмбе, 4 декабрь 2016, Казан вакыты 13:13

Prodi: Ğiraq mäs’äläsendä Yewropa bertawıştan söylärgä tieş


Madrid. Yewropa Komissiäse räise Romano Prodi, Yewropa eçke qarşılıqların çitkä quyıp Ğiraq mäs’äläsendä ber fikerdä bulırğa tieş, alaysa ğomumän Yewropanıñ üz fikere bulmayaçaq dip belderde. Şuşı süzlären ul, bügen İspaniäneñ La Vanguardia basmasında dönya kürgän äñgämäsendä äytä. Bügenge köndä Yewropada urtaq tışqı säyäsät alıp baru kiräklege häm moña niçek ireşü yulları xaqında bäxäs bara. Yewropa Berlegendä citäkçelek itkän Gretsiä Ğiraq mäs’äläsendä Berlekneñ berdäm qaraşın buldıru tırışlıqların başlap cibärde, läkin qitğada haman da ikegä bülenu – beryaqtan sabırlıqqa öndäw, ä ikençe yaqtan Quşma Ştatlarnıñ qırıs säyäsäten xuplarğa omtılu yäşäp kilä. Üz äñgämäsendä Prodi, berdäm fikerdä bulamı, ällä bulmıymı, Yewropa Berlege barı tik Berläşkän Millätlär Oyışması qısalarında ğına eş itärgä tieş dip belderä.

XS
SM
MD
LG