Accessibility links

Кайнар хәбәр

Nigeräneñ säwdä başqalası Lagosnı zur şartlaw teträtte


Lagos, Nigeriä. Şuşı ilneñ säwdä başqalası sanalğan Lagosnı bügen köçle şartlaw teträtte, şähär üzägendä, Lagos utrawında bulğan şul şartlaw kimendä 20 keşeneñ hälak buluwına kiterde dip xäbär itelä. Nigeriäneñ şuşı qalasında 12 million keşe yäşi. Şartlaw säwdä üzägendäge 3 qatlı ber yortnı tämam cimergän, politsiä häm qotqaruçılar xäräbälärdän isän qaluçılarnı ezli dielä. Kürşedäge ike binağa da zur zian kilgän, şartlawnıñ säbäpläre xaqında mäğlümat yuq. Şul tirädä toruçılar äytüwenä qarağanda, cimerelgän binanıñ ber qatında bank idaräse urnaşqan bulğan, yortnıñ qalğan ike qatında keşelär yäşägän. France Press agentlığı xäbärçese, qorallanğan keşelär xäräbälär arasınnan bankta saqlanğan aqçalarnı ezli, politsiä alarğa kirtä quya almıy dip xäbär itä.
XS
SM
MD
LG