Accessibility links

шимбә, 10 декабрь 2016, Казан вакыты 13:52

Columbia häläkäte säbäplären tikşerü däwam itä


Quşma Ştatlarnıñ Ğäläm Agentlığı, NASA belgeçläre Columbia häläkäte säbäplären tikşerüne däwam itä. Start waqıtında töşerelgän filmda, yağulıq sawıtınann sıyıqlıq ağıp çığuwı kürengän. Belgeçlär ul çaqta moña zur ähämiät birmägän. Qayber mäglümätlärgä qarağanda, şuşı sıyıqlıq karapnıñ tışlığın bozğan bulırğa mömkin. Atmosferağa kergändä karabnıñ sul yağında temperaturanıñ kisäk kenä kütärelüwe açıqlanğan.

Ul arada yözlägän politsiä xezmätkäre Texas häm Louisiana ştatlarında qazağa oçrağan karapnıñ qaldıqların ezläwne däwam itä. Barlığı yözlägän kisäk tabılğan, alar arasında astronavtlarnıñ gäwdä qaldıqları da bar. Karabtağı 7 astronavtnıñ barısı da xäläk buldı.

XS
SM
MD
LG