Accessibility links

якшәмбе, 4 декабрь 2016, Казан вакыты 01:03

Colin Powell Ğiraqta küpläp üterü qoralı buluğa dälillär kiteräçäk


Çärşämbedä Powell BMOnıñ İminlek Şurasında çığış yasarğa ciena. Ğiraqnıñ, BMO inspektorları belän elemtädä toruçı baş wäkile, Hossam Möxämmät Ämin, Powellnıñ dälilläre uydırma bulaçaq, dip belderde:

Audio

Powell künderäçäk dälillär cın dälil bulmayaçaq, di Ämin. Minemçä, ul hawadan, yä ğälämnän töşerelgän uydırma fotosürätlär kürsätäçäk.

Ğiraq räsmiläre, BMOnıñ baş inspektorları Hans Blix häm Mäxämmät Äl-Baradei belän quldan kilgänçä xezmättäşlek itäçägen belderä. Kiläse şimbädä Blix belän Baradei Bagdadqa kilä. Üz ixtiarı belän qoralsızlanmasa Quşma Ştatlar Ğiraqqa qarşı köç qullanu belän yanıy. Farsı Qultığına 90 meñ çaması Amerikan xärbie kiterelde. Ğiraqqa xöcüm bula-qalsa Quşma Ştatlar Törkiä nığıtmaların qullanırğa teli. Törkiä parlamentı şuşı atnada bu mäsäläne tikşerergä ciena. Yevropa Berlegendä räislek itüçe Gretsiä Tışqı eşlär ministrı George Papandreou, Ğiraqnı, suğış buldırmas öçen, soñğı şansqa totınıp qalırğa çaqırdı.

XS
SM
MD
LG