Accessibility links

чәршәмбе, 7 декабрь 2016, Казан вакыты 13:46

Qırğızıstan Konstitutsiäsen üzgärtä


Uzğan yäkşämbedä Qırğızıstan Konstitutsiäsenä üzgäreşlär kertü häm prezident Askar Akaevqa ışanıç belderü mäsäläsendä referendum ütte. Üzäk saylaw komissiäse, tawış birüdä saylawçılarnıñ 86% qatnaştı, dip belderä. Ämmä opozitsiä belderüençä, bu san kiräk bulğan 50%tan da tübän, yaqınça 40% çaması. Räsmi sannarğa qarağanda, saylawçılarnıñ 75% Konstitutsiägä üzgäreşlär kertüne xuplap çıqqan. Bu üzgäreşlär nigezendä ike palatalı parlamentnı ber palatalı itü qaralğan. Askar Akaev, möddäte çıqqançı, 2005-neñ axırına qädär prezident bulıp qalırğa tieşme?- digän sorawğa tawış birüçelärneñ 79% çaması “äye” digän. Akaev, referendum näticäläre demokratiäne köçäytäçäk dip belderde. Opozitsiä wäkilläre, bu üzgäreşlär, Parlament xaqına prezident wäkälätlären arttıruğa kiteräçäk dip sanıy.

Quşma Ştatlar häm keşe xoquqların yaqlaw oyışmaları, Konstitusiäseñ eçtälegenä häm anıñ, tawış birügä ni barı 20 kön qala iğlan itelüwenä tänqit belderde. Yevropada İminlek häm Xezmättäşlek oyışması Qırğızıstanğa küzätüçelär cibärüdän baş tarttı.

XS
SM
MD
LG