Accessibility links

дүшәмбе, 5 декабрь 2016, Казан вакыты 13:37

Räcäp Erdoğan: Törkiä Ğiraq suğışın xuplamasa, bu aña zıyanğa bulaçaq


Törkiäneñ xakimiättäge Ğädellek häm Täräqqiät partiäse citäkçese Räcäp Tayyip Erdoğan, ägär Törkiä Quşma Ştatlarnıñ Ğiraqqa qarşı ixtimal suğışın xuplamasa, anıñ mänfägätläre çitkä qağılırğa mömkin, dip belderde. Erdoğan süzlärençä, ägär Törkiä suğışnıñ başınnan uq qatnaşmasa, anıñ, näticägä yoğıntı yasaw mömkinlege bulmayaçaq. “Ägär suğış qotılğısız çara ikän, Törkiä tiz arada solıx urnaştıruğa öleş kerergä ömetlänä” dide ul. Moña qädär Törkiä, Ğiraqtağı suğış töbäkkä totrıqsızlıq alıp kiläçäk dip, aña qarşı çığıp kilä ide.

Britan premier-ministrı Tony Blair bügen Fransiäneñ Le Touquet şähärendä, Fransiä prezidentı Jak Şirak belän oçraştı. Taraflar Ğiraq mäsäläsendä, xärberse üz fikerendä qalğan.

Bügen İsraeldä, İsrael häm Amerikan xärbiläre Ğiraqnıñ ixtimal xöcümenä qarşı Patriot raketaların sınadı.

BMO inspektorları bügen Ğiraqta, küpläp üterü qoralı citeşterü urını bulırğa mömkin dip sanalgan, 10 cirdä buldı; şul isäptän, raketa motorları citeşterü şirkätendä, Bagdad çitendä urnaşqan ximia komleksında häm başqaladağı su-tazartu stansiäsendä.

XS
SM
MD
LG