Yugoslav parlamentınıñ Yuğarı palatası bügen Yugoslav Federatsiäse urınına yaña däwlät, Serbiä häm Çernogoriä Berlegen tözüne küz aldında totqan yaña Konstitutsiäne rasladı. Şul uq mäsälä Tübän palatada tawışqa quyılaçaq. Şunnan soñ, räsmi töstä, däwlätneñ üzgärtelüwe turında iğlan iteläçäk. Yaña Konstitutsiä nigezendä, Federatsiä irekle Berlek itep üzgärtelä. İke respublikanıñ, barı tik ike urtaq ministrlığı bulaçaq: saqlanu häm tışqı eşlär. Serbiä häm Çernogoriä Parlamentları bu üzgäreşne inde raslağan ide. Kileşüdä qaralğança, tağın 3 yıldan, här respublika Berlektän çığu mäsäläsendä referendum ütkärä ala.
