Accessibility links

Кайнар хәбәр

Çeçnyada ütäçäk referendumda Rusiä xärbiläre qatnaşaçaq


Çeçnyada, martnıñ 23-endä ütäçäk, Konstitutsiä mäsäläsendä referendumda xäzerge waqıtta respublikada bulğan, Rusiäneñ 38 meñ xärbie dä qatnaşaçaq. Rusiä prezidentınıñ Çeçnyada keşe xoquqları mäsäläsendä maxsus wäkile Abdul-Xakim Sultığov süzlärençä, bu xärbilär bar tawış birüçelärneñ 7 protsentın täşkil itä. Rusiä räsmiläre belderüençä, xärbilärneñ fikere – Çeçen cämğiäte käyeflärenä tulısınça turı kilä.

Referendumğa äzerlek barışın küzätü öçen, Çeçnyağa Yevropada İminlek häm Xezmättäşlek Oyışması wäkilläre kiläçäk. Bu turıda Rusiä Tışqı eşlär ministrı İgor İvanov xäbär itte. Bügen ul Oyışmada räislek itkän Hollandia Tışqı eşlär ministrı Jaap de Hoop Scheffer belän oçraştı. İvanov süzlärençä, Mäskäw, oyışma törkemeneñ Çeçnyada ozaqqa qalu mäsäläsen tikşerä başlıy.
XS
SM
MD
LG