Tatarstan yäşläre gäzite Columbia ğäläm karabınıñ häläkäte turında xäbären «Alla qarğışı» digän baş astında bastırıp çığardı. Älege yazmada şulay uq, izvestia.ru säxifäsendä dönya kürgän xäbärlär urın alğan. Tatarstan yäşläre internetqa totaşmağan uquçılar öçen tübändäge mäğlümätne tärcemä itep birä:
Şuşı waqiğadan soñ, Ğiraq şähärläre häm awılları uramnarın şatlıqtan äsärlängän xalıq törkemnäre basqan. «Amerikağa Allahı Täğäläneñ qarğışı töşte! İzrailgä Allahı täğälä qarğışı töşte!» - dip qıçqırğannar alar bertawıştan. Amerika telekanallarınıñ bersendä: «Alla Amerikadan yöz çöyerde» - digän süzlär yañğırağan. Älege süzlär bik kiñ taralmasa da, bu uy här amerikalılarnıñ küñelenä kergängä oxşıy
Время и деньги gäzitneñ här sişämbe sanında çığa törgän möxärrir bağanasında bu yulı Columbia häläkätenä mönäsäbät belderelä. «Sizgerlek turında» dip atalğan yazmanıñ avtorı mondıy fikerlär äytä:
Älbättä, bu qotoçqıç xäl, älbättä, bu ğäläm häläkäten Ğıraqqa qarşı suğış başlarğa cienğan Amerika citäkçelärenä nindider ilahi köçlärneñ kisätüe itep qabul itärgä mömkin. Hiçşiksez, Shuttle häläkäte Amerikan qüätlelege niqädär totrıqsız buluın çirattağı tapqır kürsätte.. cir tiräsendä pilotlı oçışlarnı Rusiäneñ genä buldıra aluı açıqlandı... Bu äyberlärneñ açısı üzen sizderä, ämma, min, başqa närsä turında uylıym.
Bu häläkätkä ber täwlek qala, Könçığış Timorda İl-76 oçqıçı yığılıp töşte. 6 keşelek ekipaj häläk buldı, rusiälelär. Yuq, mäğlümät çaraları bu faciğäle xäl xaqında xäbär itmi qalmadı: yığıldı, 6 mäyet, ivanov, petrov, sidorov... telefon stansiäse öçen cihazlar alıp barğannar, toman... Ayırma närsädä soñ? Ni säbäple bötendönya qayğığa batmadı, Timorda häläk bulğannar şundıy uq keşelär bit yuğisä, alarnıñ da tuğannarı, xatınnarı, balaları bulğan. Bälkem säbäp – alarnıñ urıs buluıdır?.. Bezneñ üzebezneñ bulğan xälgä mönäsäbätebezdäme, ällä dönya cämäğätçelegeneñ mönäsäbätendäme säbäp? Urıslar tormışların ber tiengä dä quymıy, dip uylawdamı? Ä bälkem, säbäp, dönya televidenie kompaniäläreneñ tege oçqıç häläkäten küzätep barmawdadır, alarda täsirle «räsem» bulmawdadır? Min moña cawap taba almıym, läkin min küräm: Columbiada ülüçelärneñ sanı ber genä keşegä artıq bulsa da, ayırma -- dönya xätle zurlıqta.
Avtor şulay uq, Kursk su astı köymäseneñ batuı xaqında mäğlümätlärne äytep betermäw, Rusia mäğlümät çaralarınıñ bu xälgä iğtibarın 3 könnän soñ ğına yünältüwen iskä ala. Aña qädär Çeçnya tawlarında 96 Pskov soldatlarınıñ ülüe, analarınıñ küz yäşläre - suğışnıñ ber kisäge itep kenä qabul itelde, il qayğısına äwerelmäde, dip yaza gäzit möhärrire Yuri Alaev.
Tatarstan yäşläre gäzite xalıq sanın isäpkä alu waqıtındağı qanun bozular xaqında yazğanda «Rusia bu yulı da üzeneñ iäläşkän ğädätennän çitläşmäde» digän näticä yasıy. Sarıq kötüe räseme belän birelgän häm «Döres sanamağannar» digän baş isem astında çıqqan yazmada san aluçılarnıñ tuğan tel turında soraw birmäwe xaqında süz bara. Gäzit xäbärçese Duma deputatı Fändäs Safiullinnıñ: “Ni öçen prezident Putinnan häm anıñ xatınınnan tuğan telegez nindi dip soradılar, ä başqalardan yuq?” – digän mäsäläne kütärep çığuın iskä ala. «Döres sanamağannar» mäqäläsennän ber özek:
Statistika däwlät komitetı citäkçese V.Sokolinnıñ bu sorawğa cawabı çarlanğan deputatlarnı da telsez qaldırdı. Anıñ süzlärenä qarağanda, “qayber belgeçlär” (kemnär ikänlegen äytmägän) xökümät raslağan anketa sorawlarına “üz beldekläre belän” üzgäreş kertkännär häm şul üzgäreşne xökümätkä citkermiçä genä bastırıp taratqannar. Ğäcäplänüdän tiz genä islären cıep ala almağan deputatlar xökümät çinovnigınnan ni öçen soñ Putinnı raslanğan anketa belän isäpkä aldılar, ä qalğannarnı raslanmağan qäğäz belän sanadılar, ni öçen näq menä telgä qağılışlı soraw üzgärtelgän dip tä sorıy almağannar. Deputatlar belän añlaşu barışında bütän törle zakon bozular da açıqlanğan. Qısqası, zur aqça tügelep başqarılğan eşneñ öç tien dä tormawına bügen beräw dä şiklänmi.
Bikä Timerova, Qazan
Şuşı waqiğadan soñ, Ğiraq şähärläre häm awılları uramnarın şatlıqtan äsärlängän xalıq törkemnäre basqan. «Amerikağa Allahı Täğäläneñ qarğışı töşte! İzrailgä Allahı täğälä qarğışı töşte!» - dip qıçqırğannar alar bertawıştan. Amerika telekanallarınıñ bersendä: «Alla Amerikadan yöz çöyerde» - digän süzlär yañğırağan. Älege süzlär bik kiñ taralmasa da, bu uy här amerikalılarnıñ küñelenä kergängä oxşıy
Время и деньги gäzitneñ här sişämbe sanında çığa törgän möxärrir bağanasında bu yulı Columbia häläkätenä mönäsäbät belderelä. «Sizgerlek turında» dip atalğan yazmanıñ avtorı mondıy fikerlär äytä:
Älbättä, bu qotoçqıç xäl, älbättä, bu ğäläm häläkäten Ğıraqqa qarşı suğış başlarğa cienğan Amerika citäkçelärenä nindider ilahi köçlärneñ kisätüe itep qabul itärgä mömkin. Hiçşiksez, Shuttle häläkäte Amerikan qüätlelege niqädär totrıqsız buluın çirattağı tapqır kürsätte.. cir tiräsendä pilotlı oçışlarnı Rusiäneñ genä buldıra aluı açıqlandı... Bu äyberlärneñ açısı üzen sizderä, ämma, min, başqa närsä turında uylıym.
Bu häläkätkä ber täwlek qala, Könçığış Timorda İl-76 oçqıçı yığılıp töşte. 6 keşelek ekipaj häläk buldı, rusiälelär. Yuq, mäğlümät çaraları bu faciğäle xäl xaqında xäbär itmi qalmadı: yığıldı, 6 mäyet, ivanov, petrov, sidorov... telefon stansiäse öçen cihazlar alıp barğannar, toman... Ayırma närsädä soñ? Ni säbäple bötendönya qayğığa batmadı, Timorda häläk bulğannar şundıy uq keşelär bit yuğisä, alarnıñ da tuğannarı, xatınnarı, balaları bulğan. Bälkem säbäp – alarnıñ urıs buluıdır?.. Bezneñ üzebezneñ bulğan xälgä mönäsäbätebezdäme, ällä dönya cämäğätçelegeneñ mönäsäbätendäme säbäp? Urıslar tormışların ber tiengä dä quymıy, dip uylawdamı? Ä bälkem, säbäp, dönya televidenie kompaniäläreneñ tege oçqıç häläkäten küzätep barmawdadır, alarda täsirle «räsem» bulmawdadır? Min moña cawap taba almıym, läkin min küräm: Columbiada ülüçelärneñ sanı ber genä keşegä artıq bulsa da, ayırma -- dönya xätle zurlıqta.
Avtor şulay uq, Kursk su astı köymäseneñ batuı xaqında mäğlümätlärne äytep betermäw, Rusia mäğlümät çaralarınıñ bu xälgä iğtibarın 3 könnän soñ ğına yünältüwen iskä ala. Aña qädär Çeçnya tawlarında 96 Pskov soldatlarınıñ ülüe, analarınıñ küz yäşläre - suğışnıñ ber kisäge itep kenä qabul itelde, il qayğısına äwerelmäde, dip yaza gäzit möhärrire Yuri Alaev.
Tatarstan yäşläre gäzite xalıq sanın isäpkä alu waqıtındağı qanun bozular xaqında yazğanda «Rusia bu yulı da üzeneñ iäläşkän ğädätennän çitläşmäde» digän näticä yasıy. Sarıq kötüe räseme belän birelgän häm «Döres sanamağannar» digän baş isem astında çıqqan yazmada san aluçılarnıñ tuğan tel turında soraw birmäwe xaqında süz bara. Gäzit xäbärçese Duma deputatı Fändäs Safiullinnıñ: “Ni öçen prezident Putinnan häm anıñ xatınınnan tuğan telegez nindi dip soradılar, ä başqalardan yuq?” – digän mäsäläne kütärep çığuın iskä ala. «Döres sanamağannar» mäqäläsennän ber özek:
Statistika däwlät komitetı citäkçese V.Sokolinnıñ bu sorawğa cawabı çarlanğan deputatlarnı da telsez qaldırdı. Anıñ süzlärenä qarağanda, “qayber belgeçlär” (kemnär ikänlegen äytmägän) xökümät raslağan anketa sorawlarına “üz beldekläre belän” üzgäreş kertkännär häm şul üzgäreşne xökümätkä citkermiçä genä bastırıp taratqannar. Ğäcäplänüdän tiz genä islären cıep ala almağan deputatlar xökümät çinovnigınnan ni öçen soñ Putinnı raslanğan anketa belän isäpkä aldılar, ä qalğannarnı raslanmağan qäğäz belän sanadılar, ni öçen näq menä telgä qağılışlı soraw üzgärtelgän dip tä sorıy almağannar. Deputatlar belän añlaşu barışında bütän törle zakon bozular da açıqlanğan. Qısqası, zur aqça tügelep başqarılğan eşneñ öç tien dä tormawına bügen beräw dä şiklänmi.
Bikä Timerova, Qazan