Accessibility links

пәнҗешәмбе, 8 декабрь 2016, Казан вакыты 07:12

Rusiä belän Paqstan xezmättäşlegen köçäytä


Rusiä prezidentı Vladimir Putin bügen Mäskäwdä Paqstan prezidentı Pärwäz Möşärräf belän oçraştı. Taraflar, ütkän bäxäslärgä noqta quıyp, törle tarmaqta, bigräk tä, terorğa qarşı köräş ölkäsendä, xezmättäşlekne köçäytergä kileşte. Bügen ütkän söyläşülärne Möşärräf “açıq häm näticäle” dip bäyäläde. Putin, ike il arasındağı mönäsäbätlärgä uñay bäyä birep, alarnıñ tağı da üsäçägen äytte. Möşärräf Putinnı Paqstanğa çaqırdı. Oçraşu näticäsendä berniçä kileşü imzalandı. Şul isäptän, narkotik, cinäyätçellekkä qarşı köräş, mäglümät belän alışu turında. Möşärräfneñ Rusiä säfäre, soñğı 3 distä yılda Paqstan citäkçeseneñ Rusiägä berençe kilüwe buldı. Salqın suğış şorında Paqstan Quşma Ştatlar tarafın tottı, ä anıñ töp köndäşe – Hindstan, Rusiä belän yaxşı mönäsäbättä ide.

XS
SM
MD
LG