Accessibility links

чәршәмбе, 7 декабрь 2016, Казан вакыты 01:02

Ğosman xäzrät İsxaqi Xacğa kitär aldınnan Tatarstan möselmannarın Qorban Ğäyete belän qotladı


Sişämbe könne Tatarstannan Xacğa kitüçelärneñ ikençe öleşe yulğa çıqtı. 111 xacı irtän oçqıç belän Mäkkägä yünälde. Çärşämbe könne qayber mäğlümat çaralarında Soğüd Ğäräbstanında üzläreneñ avtobuslarında yul faciğäsenä oçrağan Xacğa yul totuçılar turında xäbär taratıldı. Şuşı häläkätkä oçrawçılar arasında tatarstanlılar da yuqmı ikänen beler öçen, bez «İdel-Xac» programması citäkçese Färidä Ğataullinağa möräcäğät ittek. Anıñ süzlärenä qarağanda, Tatarstannan kitkän bar säfärçelär dä isän-saw. Qazannan avtobusta baruçılar da, oçqıç belän kitüçelär dä isän-imin genä Soğüd Ğäräbstanğa barıp citkännär.

Xacğa kitüçelär arasında Tatarstan Diniä näzaräte räise Ğosman xäzrät İsxaqi da bar. Ul Soğüd Ğäräbstanına çärşämbe könne yul aldı. Ğosman xäzrät Mäkkägä Bötendönya islam ligası citäkçese Abdulla Ät-Törkineñ şäxsi çaqıruı buyınça bara. İzge säfärgä kitü uñayınnan, Ğosman İsxaqi aldan uq Tatarstan möselmannarın Qorban Ğäyete belän qotlağan.

XS
SM
MD
LG