Accessibility links

якшәмбе, 11 декабрь 2016, Казан вакыты 13:14

Russiә prezidentı aldında Ğıraqqa qarata nindi qarar qabul itәrgә digәn qıyın problema tora. Belgeçlәr bu xaqta nәrsә uylıy?


AQŞnıŋ Ğıraqqa qarşı suğış başlauı yaqınaya barğan sayın Russiәgә moŋa qarata pozitsiәsen bilgelәv vaqıtı da yaqınlaşa bara. Bügenge kөndә Rusisә barlıq işeklәrne açıq tota. AQŞ Dәvlәt Sekretarı Powellneŋ Iminlek Şuasındağı çığışınnan soŋ da, Russiә tışqı eşlәr ministere Igor Ivanov, alğa sөrelgәn dәlilәr inspetorlanıŋ eşen dәvam itәrgә kirәklegen kürsәtte dip belderde. Mәskәvneŋ nindi qarar qabul itәçәge әle bilgesez.

AQŞ Dәvlәt sekretarınıŋ çığışınnan soŋ, radiobıznıŋ xәbәrçese bu xaqta qayber belgeçlәren fikeren soradı. Russiә Dәvlәt Dumasınıŋ tışqı mөnәsәbәtlәr komitetı rәiseneŋ urınbasarı Kostantin Kosaçev, Russiә nindi reaksiә kürsәtәçәk digәn sorauğa bolay dip cavap birde

Audio

Küzәtüçelәrneŋ fikerençә dә, Russiә ike yulnı da saylıy ala. Küp nәrsә AQŞnıŋ pozitsiәsennәn bәyle bulaçaq. Ul Ğıraqqa qarşı suğış başlau өçen Iminlek Şurasına rezolutsiә qabul itüe өçen basım yasarmı, әllә rezolutsiәsez suğış başlar mikәn? Kosaçevneŋ fikerençә, Mәskәvneŋ suğışnı yaqluı mөmkin, lәkin, Washington unilateral yәğni beryaqlı ğına xәrәkәt itkәn xәldә qurqınıçlı ürnәk birgәn bulaçaq. Anıŋ süzlәrençә, Russiә Ğıraq rejimın yaqlau belәn qızıqsınmıy. Ikençe Dөnya suğışınnan soŋğı kümәk xalıqara qurqınıçsızlıq sistemasın saqlau anıŋ mәnfәğәtlәrenә turı kilә. Әlbәttә, ekonomik mәnfәğәtlәr dә yuq tügel. Russiәneŋ tәsirle nefte industriәse Ğıraqtağı miliard dollarlıq kontraktların saqlap qalırğa, ә Kreml isә 8 miliard dolarlıq burıçın alu belәn qızqsına. Russiә AQŞnıŋ Ğıraqqa qarata pozitsiәsen tәnqitlәp kilsә dә, bu mәsәlәdә aldınğı frontta Fransiә belәn Germaniә tora. Prezident Putnneŋ Kievta yasağan çığışında Bagdat inspektorlarnıŋ eşenә qomaçaulağan xәldә, Mәskәvneŋ qatıraq pozitsiә aluı mөmkin digәn kisәtüe dә, Russiә cәmağәtçelegen politikanı üzgәrtügә әzerlәv kebek yaŋgırıy. Mәskәvdәge politika fondı direktorı Vyәçeslav Nikonovnıŋ fikerençә, Putin politik maneverlarğa mөmkinlek birgәn bөgelüçәn sәyәsәt alıp bara.

Audio

Nikonovnıŋ fikerençә, Mәskәv әle Ğıraqqa qarşı suğış mәsәlәsendә qәtği qarar qabul itmәgәn. Washington isә suğış turındağı rezolutsiәne qabul itterә almasa, üz başına ğına suğış başlayaçaq. Mәskәv soŋğı çiktә suğışqa qarşı çıqmayaçaq.

Audio

AQŞ hәm Kanada institutı direktor urınbasarı Viktor Kremenyuk bu fiker belәn kileşmi, Anıŋ süzlәrençә, Putinneŋ AQŞnıŋ suğış başlauın blokadalarğa tırışuı ixtimal.

Audio

Kremenyuknıŋ fikerençә, Putinneŋ bu yılğı parlament hәm kilәse yılğı prezident saylauların küz alında totıp, suğışqa qarşı çığuı ixtimal. Yuqsa, cәmağәtçelekneŋ anı Ğıraq mәsәlәsendә AQŞqa kapitulәtsiәlәvdә ğәyeplәve ixtimal.

Audio

Kremenyuk şundıy yomşaq yasıy- Saylauçılarnıŋ küpçelegeneŋ tauışın alır өçen amerikan yaqlı tügel, ә anti-amerikan bulırğa kirәk.

Fәrit Idelle, Praga
XS
SM
MD
LG