Accessibility links

чәршәмбе, 7 декабрь 2016, Казан вакыты 21:29

NATO citäkçeläre, Ğiraqta suğış başlanğan oçraqta, Törkiägä yärdäm itü mäsäläsen tikşerä


NATOnıñ qarar-qıluçı Tönyaq Atlantic Şurası bügen Brusseldä Ğiraq mäsäläsen tikşerä. Alyans citäkçese George Robertson süzlärençä, utırışta törle mäsälälär tikşerelä, şul isäptän, Ğiraqqa xöcüm başlanğan oçraqta, anıñ kürşese, häm NATO äğzası bulğan Törkiägä yärdäm kürsätü mäsäläse.

NATO belän Yevropa Berlege arasında Ğiraq mäsäläsendä qarşılıqlar bar digän xäbärlärne kire qağıp, Robertson, alar berdäm, ikese dä BMO rezolutsiäse nigezendä Ğiraqnı qoralsızlandırırğa taläp itä, dip äytte.

NATOnıñ 4 äğzası, Fransiä, Germania, Belgiä häm Luxemburg, küptän tügel, Ğiraqta suğış başlanğan oçraqta, Törkiäne saqlaw planın raslawdan baş tartqan ide. Bu illär, Ğiraqta tikşerü eşläre barğanda, andıy çara äle artıq, dip belderde. NATOnıñ qalğan äğzaları, şul isäptän, Britania, İspania, İtalai, Dania, Polşa, Çexiä, Macarstan, Quşma Ştatlarnıñ Ğiraq säyäsäten xuplıy.

XS
SM
MD
LG