Accessibility links

шимбә, 10 декабрь 2016, Казан вакыты 04:18

Abdulla Gül: Törkiä xärbiläre Ğiraq suğışında qatnaşmayaçaq


Törkiä Parlamentı bügen Quşma Ştatlarğa Törkiäneñ xärbi nığıtmalarında yañartu eşläre başlarğa röxsät birde. Ğiraqqa qarşı suğış bula-qalsa, Quşma Ştatlar bu nığıtmalarnı qullanırğa teli. Amerikan xärbilärenä Törkiägä kerergä röxsät birü mäsäläse, tawışqa soñraq, 18 fivraldä quyılaçaq. Törkiä premier-ministrı Abdulla Gül, bu mäsälä Parlament aşa üter, digän faraz äytte. Berük waqıtta ul, Törkiä xärbiläre, Ğiraq suğışında qatnaşmayaçaq, dip belderde.

Törkiädän kilgän tağın ber xäbärdä äytelgänçä, Yevropa Berlegeneñ Tışqı eşlär komissarı Chris Patten, Ğiraqta suğış başlansa Yevropa Berlege, Törkiägä qaçaqlar belän eş itüdä yärdäm wäğdä itkän. Patten süzlärençä, älegä monıñ öçen büdjetta aqça qaralmağan, läkin yärdäm, Qızıl Xac, häm başqa-törle oyışmalar aşa bireläçäk. Qızıl Xacnıñ Törkiä bülekçäse ilneñ könyaq-könçığışında ixtimal qaçaqlar öçen çatırlar qora başlağan.

XS
SM
MD
LG