Accessibility links

шимбә, 10 декабрь 2016, Казан вакыты 02:23

Törkiä xärbiläre Ğiraqqa baraçaqmı?


Quşma Ştatlarnıñ maxsus wäkile Zalmay Xälilzad, Amerika, Törkiä häm Körd wäkilläre qatnaşında, Ğiraqnıñ Tönyağında Törek xärbilären urnaştıru mäsäläsendä söyläşülär ütüwen xäbär itte. Xälilzad äytüençä, Ğiraqta xärbi kampaniä başlanğan xäldä, Törkiä, Ğiraqnıñ tönyağına meñlägän xärbi cibärergä mömkin. Läkin, bu köçlär belän Amerikan xärbiläre citäkçelek itäçäk, dide ul. Soñğı süzen Xälilzad, Törek xärbiläreneñ Ğiraqqa kilüwennän qurıqqan Kördlärgä atap äytkän bulsa kiräk. Kiçä Törek Parlamentı, Amerikan belgeçlärenä Törkiäneñ xärbi nığıtmalarında yañartu eşlären başlarğa röxsät birde. Amerikan xärbilärenä Törkiä cirenä basırğa röxsät birü mäsäläse 18 fivraldä tawışqa quyılaçaq. Kiçä Törkiä premier-ministrı Abdulla Gül, Törkiä xärbiläre Ğiraq soldatlarına qarşı suğışa qatnaşmayaçaq, dip beldergän ide.

XS
SM
MD
LG