Accessibility links

Кайнар хәбәр

Yevropa Berlege çikläre “yaña diwar” bulmayaçaq


Yevropa Berlegeneñ bügen Ukrainağa kilgän räsmi törkeme, Berlekneñ könçığışqa taba kiñäyüwe, yaña diwar tügel, ä integratsiä mömkinlege tudıraçaq, dip belderde. Bu törkemdä Berlekneñ Tışqı säyäsät öçen cawaplı wäkile Havier Solana, Berlektä räislek itkän Gretsiä Tışqı eşlär ministrı urınbasarı Anastasias Yannitsis bar. Bügen alar Ukraina Tışqı eşlär ministrı Anatoly Zlenko belän oçraştı. Ukranianıñ, Macarstan, Polşa häm Slovakiä belän urtaq çikläre bar. Bu 3 il, kiläse yılda Yevropa Berlegenä quşılırğa cıyınğan 10 däwlät arasında. Zlenko, Ukraina, üz çikläreneñ yaña diwarğa äylänüwen telämi, dip äytte. Yannitis, Yevropa Berelgeneñ andıy maqsatı yuq, dip ışandırdı. Zlenko, Ukrainanıñ da kiläçäktä Yevropa Berlegenä quşılırğa teläwen äytte. Solana, Ukrainada beraz täräqqiät buluın tanısa da, küp kenä eş başaqaru kiräklegen äytte. Şul isäptän: saylawlar, yustitsiä ölkäsendä üzgäreşlär başqaru, opozitsiä belän mönäsäbätlär yaxşırtu, süz ireklegen täemin itü.
XS
SM
MD
LG