Accessibility links

шимбә, 10 декабрь 2016, Казан вакыты 06:17

Qıtay tatarları Tatarstanğa qayta alamı?


Qazanğa Qıtaydan kilgän millättäşlärebez turında xäbär itkän idek inde. Uqıtuçı-pensioner İlyär Gabitov häm eşmäkär Tursuntay Gabitov menä inde ikençe atna xökümät dairälärendä, cämäğät oyışmalarında bulıp, distälärgä keşelär belän oçraşıp-tanışıp yördelär.

6 fivralne alar zur tüzemsezlek belän kötep aldılar. Çönki un könlek säyäxätneñ näticäsenä näq şul könne noqta quyıldı. Pänceşämbedä Qıtaydan kilgän yaqtaşlarıbıznı Prezident Mintimer Şäymiev qabul itte. Oçraşuda xökümät yağınnan vitse-premyer Zilä Wälievä, Bötendönya tatar kongressınıñ başqarma komitetı räise Rinat Zakirov, Tışqı eşlär departamentı direktorı Timur Akulov qatnaştılar. Prezident sarayına cıyılğan jurnalistlar söyläşü bülmäsendäge fiker alışunı televizor aşa tıñladılar.

İlyär Gabitov Qıtay-Tatarstan araların yaqınaytu turında ğına tügel, tağın ber çeterekle mäs’äläne quzğattı. Ul Prezidentqa: “Qıtayda yäşägän millättäşlärebezneñ ber öleşe Tatarstanğa küçep qaytırğa teli häm monıñ öçen närsä eşlärgä kiräk?” – digän soraw belän möräcäğät itte.

Konkret sorawğa konkret cawap ta buldı. Mintimer Şäymiev fikerençä, berençe çiratta Qıtaydan yäşlär Tatarstanğa uqırğa kilsä, döres bulır ide. Tatarstanda eşmäkärlärgä dä eş citärlek. Prezident fikerençä, qaytıp berniçä yıl cigelep eşläsälär töplänep tä qalırlar. Oçraşudan ike yaq ta qänäğät qaldılar bulsa kiräk.

Döresen äytsäñ, Qıtaydan kilgän millättäşlärebezneñ bezgä küçep qaytırğa teläwläre ber küpme ğäcäpländerä. Soñğı yıllarda Rossiädän çitkä kitü modada bulğanğa, tormışları caylanğan Qıtaydan bötenläygä küçep qaytu kemgäder añlaşılmıy da. Läkin bu berençe qaraşqa. İlyär äfändene yaxşılap tıñlasañ añlap ta bula.

Audio

Ä inde ğäyrätle ir urtası eşquar Tursuntay Gabitov öçen ata-baba cirenä qaytu bötenläy problema tügel. Ul Alma-ata şähärendä “Sabantuy” digän zatlı restoran tota, tağın da firmaları bar. Tatarstanğa kilep cir satıp alğan. Afärin! Bälkem, şulay qayçandır sibelgän tatar uqmaşa başlar.

XS
SM
MD
LG