Accessibility links

Кайнар хәбәр

Tatarstanda “TatMedia” tözelä?


Comğa sanında “Вечерняя Казань” gazetası iğtibarğa layıqlı mäqälä bastırıp çığardı. Anıñ iseme “Qomsız qarçıq häm Tatarstan mäğlümat çaraları”. Ägär anda yazğannar döres bulsa, tizdän mäğlümat çaraların zur revolyutsiä kötä. Tögälräge, büdjet aqçasına kön kürgän matbuğat, näşriätlär “TatMedia” digän agentlıqqa berläşäçäklär. Gazeta fikerençä, bu berläşüne xökümät saylawlar aldınnan mäğlümat çaraların awızlıqlaw öçen oyıştıra. Yögän bulıp agentlıqqa bülep bireläçäk büdjet aqçaları xezmät itäçäk ikän. Näticädä mäğlümat çaraları yuridik möstäqillektän qolaq qağaçaqlar.

Xäterläre äybät keşelär iskä töşererlär: zamanında Tatarstanda mäğlümat ministrlığı bar ide. Anıñ könnärdän ber könne yuqqa çığuın ışandırırlıq itep añlatuçı bulmağanğa, qayber gäcit-jurnal citäkçeläre üzlären xäzer dä doğa tapmağan ülek kebek xis itälär. Xäyer, eş anda ğına tügel. Mäğlümat çaralarına qibla kürsätüçe dairälär härdaim bulıp tordı. Şulay da, bazar şartlarında üz-üzlären aşata almağan matbağalarnı saqlap qalırğa tırışu berqädär paradoksnı xäterlätä. Büdjet enäsenä ber utırğaç, annan ıçqınuı ciñel tügelder şul. Xökümät tä bik teläp alarnı irekle suğa cibärer ide. Härxäldä, “TatMedia” agentlığın qoru xäbärendä barı tik usal niät kenä kürü urınlı bulmas ide.
XS
SM
MD
LG