Accessibility links

якшәмбе, 11 декабрь 2016, Казан вакыты 03:16

Çittä yäşäwçe tatarlar Qazan kürergä kilä


Qazan qalasınıñ 1000-yıllığı uñayınnan başqalabız belän yaqınnanraq tanışu öçen ekskursiälärgä çaqırıp, Bötendönya tatar kongressı başqarma komitetınıñ törle regionnarğa xat yullawın xäbär itkän idek. Älege çaqıruğa cawap yözennän Kostroma, Ulyan, Saratovtan ber törkem tatar yäşläre şähärebezneñ tarixi, mädäni uçaqlarında bulıp kittelär. 7 fivral könne Qazan qabat qunaqlar qabul itä. 9 fivralgä qädär Çuwaşstannıñ Alatır, Batır, Qanaş, Komsomolski, Şumerle rayonnarınnan, tatar tel olimpiadalarında ciñep çıqqan, milli tormışta aktiv qatnaşqan uquçılar häm uqıtuçılar respublikabızda bulıp, xalqıbıznıñ milli yäşäyeşe, ütkäne, bügengese belän tanışaçaqlar. Şimbä könne Çuwaşiädän kilgän millättäşlärebez BTK başqarma komitetında bulıp, kongressnıñ citäkçelege belän oçraşaçaq. 9-12 fivral könnärendä näq şundıy uq maqsatta Başqortstannan da tatarlar kiläçäk. Alar Qırlayğa barıp, G.Tuqay muzeenda da bulaçaqlar. Yaqın könnärdä Mäskäw, Adıgey, Tabul, Permnän dä millättäşlärebez kiler, dip kötelä.

Damir Ğismetdin, Qazan

XS
SM
MD
LG