Accessibility links

якшәмбе, 4 декабрь 2016, Казан вакыты 11:19

Berläşkän Millätlär Oyışması qoral inspektorları başlığı Hans Blix häm Mohammed ElBaradei Bağdadqa kilde


Alar Ğiraq räsmiläreneñ qoral tikşerüçeläre belän kübräk xezmättäşlek itüenä basım yasarğa cıyına.Oyışmanıñ atom töş qoral agentlığı başlığı Mohammäd ElBaradei häm inspektorlar başlığı Hans Blix ike kön däwamında Ğiraq räsmiläre belän oçraşaçaq. Bu oçraşularda ElBaradei häm Hans Blix Berläşkän Millätlär Oyışmasınıñ ike taläben quyırğa cıyına-tikşerülär öçen küzläw oçqıçların qullanu häm Ğiraq ğalimnäre belän küzdän küz oçraşu röxsäte birelü. Ber Ğiraq ğalime belän räsmi wäkillärsez oçraşu pänceşämbe könne buldı inde, tağın 3 belgeç belän inspektorlar kiçä oçraşıp söyläşte. Ğalimnär belän şahitlärsez oçraşular-Ğiraqnıñ ximik, biologik häm atom töş qoral citeşterüen yä dä citeştermäwen isbatlarğa yardäm itäçäk dip sanala.

ElBaradei, inspektorlarnıñ bu yulı Bağdadqa kilüläre möhim- läkin, suğışnı buldırmau sürätendä-soñğı çara tügel, dide. Ğiraqnıñ, üz xezmättäşlegen kürsäter öçen tağın başqa forsatları da bulaçaq, dide ElBaradei.

XS
SM
MD
LG