Accessibility links

якшәмбе, 4 декабрь 2016, Казан вакыты 17:30

Hans Blix häm Mohammäd ElBaradei Ğiraq räsmiläre belän söyläşülären tämamlap düşämbe Bağdadtan kitä


Ğiraqta ximik, biologik häm atom töş qoral ezlägän inspektorlarnıñ başlığı Hans Blix häm Berläşkän Millätlär Oyışmasınıñ atom töş qoral agentlığı citäkçese Mohammäd ElBaradei bügen Ğiraq räsmiläre belän ikençe tur söyläşülären tämamladı. Ğiraq yağı bügen inspektorlarğa qorallarğa qağılışlı kübräk dokumentlar tapşırğan. Bügen kiç jurnalistlar belän oçraşqançı inspektorlar başlıqları tağın öçençe tur söyläşülär uzdıra. Düşämbe irtän Hans Blix häm Möhammäd ElBaradei Bağdadtan kitä. Kiçä söyläşülärneñ berençe köne tämamlanğanda Hans Blix “Ozın-ozın söyläşülär könen tämamlıybız, bügenge oçraşular faydalı buldı”, dip beldergän ide. Blix häm ElBaradei comğa könne Berläşkän Millätlär Oyışması İminlek Şurası aldında xisap totaçaq. Alarnıñ 14nçe fevral, comğa kön bulaçaq çığışları Amerika Quşma Ştatlarınıñ Ğiraqnı qoralsızlandıru niätenä tä’sir itergä mömkin dip farazlana.

Bügen Rusiä tışqı eşlär ministrı urınbasarı Yuri Fedetov Ğiraqnı üzeneñ qoral programmaları tiräsendäge wazğiätne açıqlar öçen tağın östämä adımnar yasarğa çaqırdı.

XS
SM
MD
LG