Accessibility links

якшәмбе, 4 декабрь 2016, Казан вакыты 11:18

Germaniä häm Fransiä BMO İminlek şurasına Ğiraq mäs’äläsendä yaña täqdim yasarğa äzerlänä


Germaniädän kilgän xäbärlärgä qarağanda Berlin häm Parij Berläşkän Millätlär Oyışması İminlek Şurasına berlektä Ğiraq suğışın buldırmau täqdimnärennän torğan plan äzerli. Germaniä saqlanu ministrı Peter Struck, comğa könne bulaçaq utırışta Fransiä häm Germaniä täqdime xuplanır digän ömet belderde. Struck bu xaqta Phoenix televideniäsenä belderde. Germaniä kanslerı Gerhard Schroeder häm Fransiä prezidentı Jacque Chirac Ğiraqta küpläp üterü qoralların ezläw eşen Berläşkän Millätlär Oyışmasınıñ xärbi köçlärenä tapşıruı planın alğa sörä. Germaniä ğaskärläre dä Ğiraqqa baraçaqmı digän sorauğa, Struck-andıy ixtimalı bar, dip cawap birde.

Bügen Berlinğa kilgän Rusiä prezidentı Vladimir Putin belän kansler Gerhard Schroeder arasında kiçen bulaçaq oçraşuda da älege mäs’älä köntärtibenä quyılaçaq. Münhen konferensiäse qısalarında jurnalistlar aldında yasağan çığışında, Rusiä wäkilçelegen citäklägän saqlanu ministrı Sergei İvanov, Fransiä-Germaniä planın Berläşkän Millätlär Oyışmasınıñ İminlek Şurası yaqlap çıqsa-Rusiäneñ dä aña qarşı bulmayaçağı turında belderde.

XS
SM
MD
LG