Accessibility links

якшәмбе, 4 декабрь 2016, Казан вакыты 00:47

Britaniä Fransiä-Germaniä plannarınıñ faydası bulmayaçaq dip belderde


Britaniä bügen Ğiraqqa qarşı xärbi çaralar başlau urnına anda Berläşkän Millätlär Oyışması ğaskärlären kertüne kire qaqtı. Xalıqara iminlek mäs’älälärenä bağışlanğan konferensiädä Münhenda Britaniä xökümäteneñ säyäsi kiñäşçese Charles Powell, bu täqdimneñ ber faydası da yuq, dip belderde. Anıñ süzlären Geramaniä generalı Klaus Naumann häm NATO xärbi komitetınıñ elekke räise häm Quşma Ştatlarnıñ elekke saqlanu ministrı William Cohen yaqlap çıqtılar. Alar belän bulğan bäxästä konferensiädä qatnaşuçı başqa räsmilär-bu täqdimnär ömetle, suğışnı buldırmas öçen här mömkinlekne qullanırğa kiräk digän fikerdä qaldı. Germaniä häm Fransiä Berläşkän Millätlär Oyışması qoral tikşerüçelären häm ğaskärlärne Ğiraqta berniçä yılğa qaldırırğa täqdim itä. Bu xaqta bügen alman gazetları yazıp çıqtı. Germaniä saqlanu ministrı Peter Struck, matbuğatta çıqqan böten xäbärlär dä döres tügel, dide.

XS
SM
MD
LG