Ämma ul älege täqdim iñ başta BMO qoral tikşerüçeläre başlığı Hans Blix häm Xalıqara Atom Energetikası agentlığı citäkçese Möxämmät äl-Baraday tarafınnan bulırğa tieş dip äytte. Bügen Germaniä xökümäte, Fransiä täqdimenä quşıluın beldersä dä, Ğiraqta tınıçlıq tä’min itü turında Fransiä-Germaniä räsmi planı yuq dide. Bügen Fransiä tışqı eşlär ministrlığı BMO İminlek Şurası Fransiä belän Germaniä täqdimen qabul itü öçen yaña rezolütsiä çığarırğa tieş bulmıyaçaq dide. Ministrlıq äytüençä, Ğiraq turında uzğan yılnıñ noyäbrendä qabul itelgän rezolütsiä mondıy täqdimnärne dä üz eçenä ala.
