Qadırov belän finans eşlärendä kileşä almağan Mixail Babiç uzğan atnada wazıyfasınnan kitkän ide. Xäzer anıñ urınına Mäskäw tarafınnan fatixa alğan Anatoliy Popov bilgelänä. Qadırov Popovnı üze täqdim itüe turında beldersä dä, Russiäneñ kiñküläm mäğlümät çaraları Mäskäw tarafınnan bilgelänüçe Popov Çeçnäneñ finans eşlären turıdan-turı Mäskäw kontrolenä quyaçaq dip xäbär itä. Uzğan ayda Qadırovnıñ yaña finans-ministrın Babiç xuplawınnan başqa bilgeläwe xakimiät başlığı belän premyer-ministr arasında qarşılıq çığarğan ide.
