Accessibility links

чәршәмбе, 7 декабрь 2016, Казан вакыты 19:33

Qorban bäyrämenä äzerlek eşläre başlandı


Alda Qorban bäyräme. Diniä näzaräteneñ baş qazıyı Gabdelxaq Samatov möselmannarğa 11 fevral'dä bäyrämneñ berençe könen ütkärü tärtiben iğlan itte. “Respublika awıllarında, şähärlärendä uramnardan ir-yegetlär täğbir äytep, irtän irtük mäçetkä cıyılaçaq. İrtänge namaz betkäç, irtänge säğät 6-da täsbix tartu häm doğalar qılına. Berniçä keşe Qör’än uqıp doğa qıla. Annan soñ imam 7.50 ça wäğäz söyli. Wäğäzdän soñ Ğäyet namazı uqıla. Namazdan soñ imam torıp xötbä uqi. Soñınnan beräw Qörän uqi, häm böten xalıq bergä doğa qılıp, teläklär teläp sawbullaşa. Annarı inde xalıq öygä qayta. Öydä alarnı xäläl cefetläre qoymaq peşerep, kötep tora. Qunaqqa yöreşälär, ziratqa barıp ärwaxlarğa doğa qılına. Mömkinlege bulğan keşe qaytıp qorban çala. Ata-analar tuğannar belän xäl beleşä, xäyer-sädäqälär birü kebek izgeleklär qıla. Ğäyet könne qorban çala almağan keşegä Ğäyetneñ ikençe häm öçençe köneneñ İkende namazı ütkänçe (qoyaş batqançı) çalırğa mömkin”, dielä anda.

Diniä näzarätendä, Qazanda mäçetlärdä qorban çalu häm qorbanğa digän mal-tuar satu oyıştırıla, didelär. Qorbanğa digän sarıqlar satu düşämbe könne ük başlanıp kitte.

XS
SM
MD
LG