Accessibility links

сишәмбе, 6 декабрь 2016, Казан вакыты 17:19

Töp bäyräm wäğäzen Tatarstannıñ baş möxtäsibe Cälil xäzrät Fazlıyev söyläde


İrtänge säğät 6.30 da Qazan möselmannarı barlıq mäçetlärgä cıyıldı. Xäzer respublikada 1 meñgä yaqın mäxällä bar, Qazanda distälägän mäçet eşli. Bıyılğı Qorban bäyrämeneñ üzäge wazıfasın Ramazan mäçete ütäde. Ul Kirov rayonında urnaşqan. Tatarstanınıñ “Yaña ğasır” televideniese häm radiosı şuşı mäçettän turıdan turı reportaj alıp bardı. Bäyräm wäğäzen Tatarstannıñ baş möxtäsibe Cälil xäzrät Fazlıyev söyläde. Ul üzeneñ çığışında ğadi xalıqqa añlaşıla torğan ruxi qimmätlär, tärbiä turında äytte.

AUDİO: Bügen SPİD, narkomania, cinayätçelek, eçüçelek artamı, kimime? Arta. Ä belem däräcäse? Ul da arta. Dönyawi belem birep kenä keşene tärbiäläp bulmıy ikän. Tağın närsäder bulırğa tieş. Älbättä, bez belem alırğa tieş, dönyadan artta qalmasqa kiräk. Ruxi tärbiä bulırğa tieş, ruxıbız çista bulırğa tieş. Päyğämbärebez dä şul xaqta äytä.

Bez bozıqlıqlarnıñ betüen telärgä häm şul bozıqlıqlarnı beterü eşenä kereşergä tieş. Bu maqsatqa küñel saflığı aşa ğına ireşep bula.


Älbättä, Qorban bäyräme könne din ğilemen belüçe zur ğalimnär dä awıl mäçetlärendäge imam-xatıyblar da üzläre buldıra alğan häm kiräk tapqan qädär añ-belem tarata. İdel-Uralda tatar häm başqort xalıqlarında islam dine ber waqıtta da nindider köç qullanu tawış-ğawğa belän bäyle bulmadı. Bıyılğı Qorban bäyräme çistaru häm şäfqätlelek, märxämät bäyräme bularaq istä qalır.

Qazannıñ här mäçete yanında Qorban çalu öçen sarıqlar bik küpläp satıldı. Qayber eşquarlar, aldan uq awıllarğa barıp Qorban malların cıyıp kitergännär. Uzğan yılda alarnıñ sanı beraz citmiräk qalsa, bıyıl – artığı belän kiterelgän. Şunlıqtan bäyälär 2 meñ sumnan öskä sikermäde.

XS
SM
MD
LG