Accessibility links

шимбә, 10 декабрь 2016, Казан вакыты 02:15

Tönyaq Koreadağı atom krizisı Könyaq Koreanıñ iqtisadına turıdan-turı tä’sir itä.


Moody İnvestorlar Xezmäte bügen Könyaq Koreanıñ İnvestitsiälär reytingın uñay däräcädän tiskäre däräcägä küçerde. Bu Tönyaq Koreadağı atom qoralları programmasınıñ iminlek öçen borçıluğa kiterüe belän añlatıla. Bügen Könyaq Korea Prezidentı Kim Dae-Juñ Yewropa Berlegeneñ tışqı säyäsät öçen cawaplı yuğarı wäkile Javier Solananı Tönyaq Koreağa barıp andağı atom programmalarına bäyle krizisnı çişüdä yardäm itärgä çaqırdı. Solana äytüençä, Yewropa Berlege häm başqa däwlätlär Quşma Ştatlar belän Tönyaq Korea arasında turıdan-turı söyläşülärgä ireşü öçen tırışa. Tönyaq Korea bu krizisnı barı tik Waşington belän turıdan turı söyläşülär aşa ğına çişep bulaçaq dip täqrarlap kilä. Bügen Qıtay xökümäte älege qaraş belän kileşep, Quşma Ştatlarnıñ bu nizağnı çişügä zurraq öleş kertü çaqıruın kire qaqtı. Bügen Tönyaq Korea delegatsiäse iqtisadıy almaş häm xezmättäşlek turında söyläşü öçen Könyaq Koreağa kilde.

XS
SM
MD
LG