Putin Fransiägä räsmi säfären kiçä başlağan ide. Älege säfärdä moñarçı töp tema Ğiraq krizisı buldı. Kiçä Fransiä prezidentı Jacques Chirac belän Putin Quşma Ştatlarnıñ köç qullanuğa çaqıruına qarşı çığıp, Ğiraqtağı qoral tikşerüçelär sanın arttırırğa çaqıruçı Fransiä, Russiä häm Germaniäneñ urtaq deklaratsiäsen iğlan itte. Bügen Russiä tışqı eşlär ministrı İgor’ İvanov belän Fransiä yustitsiä ministrı Dominique Perden ike ilneñ totqınnarnı ber-bersenä tapşıruı turında kileşü imzaladı. Älege kileşü nigezendä tege yäki bu taraf üz watandaşınıñ törmä cäzasın üz ilendä ütüen telägän oçraqta anı üzenä tapşırunı sorıy alaçaq. İrtägä Putin Fransiäneñ könyaq-könbatışındağı Bordo töbägenä bara.
